Зарни шыкыс (Эфир от 27.05.2020)

27.05.2020 09:16:09

28-тӥ куартолэзе 70 арес тырмысал Россиысь дано но Удмуртиысь калык артисткалы Галина Владыкиналы. Яр ёросысь Тум гуртын вордӥськем нылаш удмурт йӧскалык театре вуиз 1973-тӥ арын. Москваысь Щукин нимо театральной училищеез йылпумъяса. 40 арлэсь кема сцена вылын ужатозяз, со удмурт, ӟуч но кунгожсьӧр драматургъёслэн пьесаоссыя пуктылэм спектальёсын 150-лэсь трос рольёсты шудӥз. Выль рольёс азьланяз но луысалзы, но 70 аресаз мыныкуз, Галина Владыкина шӧдтэк шорысь улонысь кошкиз. Учкисьёслэн син азязы со кылиз «Кезьыт ошмесысь» Бӧдёноен, «Кышнояськонысь» Агафья Тихоновнаен, «Пужъятэм дэремысь» Грацияен, «Атас Гириысь» Дарья Сергеевнаен, «Бызьыны вуэм песянайёсысь» Васёнаен... Удмурт калыклэсь яратоно артистказэ буре вайиськомы «Зарни шыкыс» сузьетысь радиоверанамы#РадиоРоссииУдмуртия

Рассказать друзьям:

Зарни шыкыс (Эфир от 27.05.2020)

Новости